Ásgeir Sigurgeirsson var hetja KA-manna í 2:1-sigri á HK í Boganum í Lengjubikar karla í fótbolta í kvöld.
Bjarki Gunnarsson kom HK yfir strax á sjöttu mínútu en Hallgrímur Mar Steingrímsson jafnaði á 33. mínútu með marki beint úr aukaspyrnu.
Staðan í hálfleik var 1:1 og þannig var hún fram á 86. mínútu þegar Ásgeir Sigurgeirsson skoraði sigurmarkið.
Bæði lið eru með sex stig eftir þrjá leiki, en Valur er með sex stig eftir tvo leiki. Upplýsingar um markaskorara fengust á Fótbolta.net.