Tólfta besta kvennadeildin í Evrópufótboltanum hefst í dag. Hvaða deild skyldi það nú vera? Jú, það er íslenska úrvalsdeildin, sem kennd er við Pepsi Max. Hún er númer tólf á styrkleikalista Evrópu fyrir Meistaradeildina.
Fyrir vikið eru bæði Breiðablik og Valur á leið í endurbætta Meistaradeild með haustinu en sextán bestu deildir Evrópu fá að senda tvo til þrjá fulltrúa í keppnina. Greiðslur fyrir árangur geta allt að því fimmfaldast frá því sem verið hefur þannig að til mikils er að vinna fyrir félögin.
Styrkleikalistinn er byggður á frammistöðu liða í Meistaradeildinni á árunum 2015 til 2020 og það eru því góð úrslit hjá Breiðabliki, Stjörnunni og Þór/KA sem skila Íslandi þessari stöðu. Þessi þrjú félög unnu þrettán leiki og gerðu fimm jafntefli í 24 Evrópuleikjum á þessum fimm árum.
Bakvörðurinn í heild sinni er í Morgunblaðinu í dag.