Atli Gunnar Guðmundsson, sem hefur verið aðalmarkvörður Fjölnis í knattspyrnunni undanfarin tvö ár, er genginn til liðs við FH.
Atli, sem er 27 ára gamall Seyðfirðingur, lék með Hugin til 2016 og síðan með Fram í tvö ár en hélt þaðan í Grafarvoginn. Þar lék hann í fyrsta skipti í úrvalsdeildinni í fyrra og varði mark liðsins í sautján leikjum af átján.
Daði Freyr Arnarsson fór frá FH til Þórs sem lánsmaður á dögunum og hlutverk Atla Gunnars er þá að berjast við Gunnar Nielsen um markvarðarstöðuna hjá FH.