Kjartan Henry á heimleið

Knattspyrnumaðurinn Kjartan Henry Finnbogason hefur fengið samningi sínum rift hjá danska B-deildarfélaginu Esbjerg og er á leiðinni heim í uppeldisfélag sitt KR.

Fótbolti.net greinir frá.

Kjartan Henry gekk til liðs við Esbjerg í janúar síðastliðnum frá úrvalsdeildarfélaginu Horsens og hjálpaði til í toppbaráttunni í B-deildinni.

Í gær varð það hins vegar ljóst að Esbjerg kemst ekki upp í dönsku úrvalsdeildina, það kemur í hlut Viborg og Silkeborg.

Enn eru þrír leikir eftir af dönsku B-deildinni en þar sem liðið hefur ekki að neinu að keppa lengur komust forsvarsmenn Esbjerg og Kjartan Henry að samkomulagi um að rifta samningnum.

Frétt af mbl.is

Kjartan Henry líklega á leið í KR

Samningur Kjartans Henry átti að renna út í lok júní en hann er nú laus allra mála og getur samið við KR áður en félagaskiptaglugginn hér á landi lokar á morgun.

• Blogga um frétt