Íþróttir | Íslenski fótboltinn | mbl | 1.6.2021 | 13:18 | Uppfært 14:06

Tveir nýliðar í hópnum

Kristín Dís Árnadóttir er í landsliðshópnum. Ljósmynd/Sigfús Gunnar

Þorsteinn Halldórsson, landsliðsþjálfari A-landsliðs kvenna í knattspyrnu, hefur valið 23 leikmenn sem taka þátt í tveimur vináttuleikjum gegn Írlandi í júní.

Tveir nýliðar eru í hópnum að þessu sinni. Auður Sveinbjörnsdóttir Scheving markvörður hjá ÍBV og Kristín Dís Árnadóttir varnarmaður úr Breiðabliki.

Leikirnir fara fram á Laugardalsvelli dagana 11. og 15. júní. Miðasala hófst á hádegi en 1.800 áhorfendur geta sótt leikinn, 300 í hverju hólfi.

-Fram kom hjá Þorsteini á blaðamannafundi sem nú stendur yfir að Guðný Árnadóttir og Hlín Eiríksdóttir séu meiddar og séu ekki í hópnum af þeim sökum. Fyrirliðinn Sara Björk Gunnarsdóttir er barnshafandi eins og kunnugt er.

Spurður út í nýliðana sagði Þorsteinn að Auður hafi staðið sig vel undanfarið og gert vel í síðustu leikjum. Hún ætti að vera framtíðarmarkvörður og líkleg til að vera í kringum landsliðið næsta áratuginn.

Þorsteini langar að sjá Kristínu í svo sterkum leikmannahópi og ákvað að gefa henni tækifæri en hann þekkir vel til hennar sem fyrrverandi þjálfari Breiðabliks.

Hópurinn:

Markverðir:

Sandra Sigurðardóttir | Valur | 35 leikir

Cecilía Rán Rúnarsdóttir | Örebro | 2 leikir

Auður Sveinbjörnsdóttir Scheving | ÍBV

Aðrir leikmenn:

Hafrún Rakel Halldórsdóttir | Breiðablik | 2 leikir

Elísa Viðarsdóttir | Valur | 39 leikir

Glódís Perla Viggósdóttir | Rosengård | 91 leikir, 6 mörk

Ingibjörg Sigurðardóttir | Vålerenga | 35 leikir

Guðrún Arnardóttir | Djurgarden | 9 leikir

Kristín Dís Árnadóttir | Breiðablik