Sanngjarnt jafntefli í Kórnum

Lið HK og Víkings úr Reykjavík skildu jöfn í markalausum leik í Kórnum í Kópavogi í Pepsi Max deild karla í knattspyrnu í kvöld. 

Herslumuninn vantaði á báða bóga til þess að klára leikinn, en bæði lið þurftu á stigunum að halda, sérstaklega lið HK sem situr enn í fallsæti með 10 stig eftir leikinn. Víkingar misstu líka af dýrmætum stigum í toppbaráttunni.

Frétt af mbl.is

„Örugglega leiðinlegur leikur að horfa á“

Leikurinn var heldur tíðindalítill og gat hvorugt liðið beðið um mikið meira en þau fengu. Ef eitthvað ættu Víkingar að vera aðeins svekktari, þeir náðu fínum kafla í fyrri hálfleik og komu sér oftar en einu sinni í ágæta stöðu, án þess þó að ná að skapa eitthvað meira úr því. Varnarlínur beggja liða héldu vel en besta færi leiksins átti Viktor Örlygur Andrason fyrir Víking á 20. mínútu leiksins. 

Frétt af mbl.is

„Þetta er allt opið“

HK-ingar vildu undir blálok leiksins fá víti þegar brotið var á Arnþóri Ara Atlasyni í vítateig Víkinga. Sigurður Hjörtur Þrastarson, dómari leiksins, virtist sjá atvikið vel, en dæmdi ekkert, annað en rautt spjald á Sigurð Hrannar Björnsson, varamarkmann HK, sem mótmælti af hliðarlínunni. HK-ingar hafa eflaust orðið fyrir miklum vonbrigðum, enda hefur oft verið dæmt víti á minna. 

HK situr áfram í 11. sæti deildarinnar, 2 stigum á eftir liði FH. Víkingar komast aftur á móti upp fyrir Breiðablik í annað sæti deildarinnar og er nú fjórum stigum á eftir toppliði Vals.

HK	0:0	Víkingur R.	Opna lýsingu Loka
90. mín. Hið minnsta 5 mínútum bætt við leikinn.
Augnablik — sæki gögn...

• Blogga um frétt