Toppliðið í Lengjudeild karla í knattspyrnu, þeirri næstefstu, Fram heldur sínu striki og vann Fjölni í kvöld 2:0 í Safamýri.
Þórir Guðjónsson og Guðmundur Magnússon skoruðu mörkin. Fram er með 35 stig og er komið langleiðina upp í efstu deild á næsta tímabili. Liðið hefur enn ekki tapað leik í deildinni í sumar.
Fjölnir er í 3. sæti með 23 stig en ÍBV er í 2. sæti. Með sigrinum styrkti Fram ekki bara eigin stöðu heldur einnig stöðu ÍBV í baráttunni um að komast upp.
Grótta vann Selfoss 2:1 þegar liðin mættust á Seltjarnarnesi. Pétur Theódór Árnason og
Arnar Þór Helgason skoruðu fyrir Gróttu en Kenan Turudija fyrir Selfoss.
Grótta er með 17 stig í 8. sæti en Selfoss er með 12 stig í 10. sæti.