Knattspyrnusamband Íslands bauð konu sem varð fyrir ofbeldi og grófri kynferðislegri áreitni af hálfu landsliðsmanns í knattspyrnu að skrifa undir þagnarskyldusamning gegn því að fá miskabætur.

Í fréttum RÚV var rætt við Þórhildi Gyðu Arnarsdóttur sem ónafngreindur landsliðsmaður í fótbolta braut á á skemmtistað í Reykjavík árið 2017.

„Hann grípur sem sagt í klofið á mér. Síðan á sér stað líkamsárás aðeins seinna þar sem hann tekur mig hálstaki í stutta stund,“ segir Þórhildur en hún kærði málið til lögreglu.

Fullyrti að sambandinu hafi ekki borist tilkynning

Hálfu ári eftir atvikið ætlaði faðir Þórhildar að fara á vináttulandsleik. Þegar hann áttaði sig á að umræddur knattspyrnumaður er í landsliðshópnum sendir hann stjórnarmeðlimum KSÍ tölvupóst og greinir frá kærunni.

Frétt af mbl.is

Fylgjum fyrirmælum okkar yfirmanna

Faðir Þórhildar fékk svar frá Guðna Bergssyni, formanni KSÍ, sem sagðist taka málið alvarlega. 

Í Kastljósi í gær fullyrti Guðni hins vegar að engin tilkynning hafi borist sambandinu um kynferðisbrot leikmanna. Í kvöldfréttum baðst hann svo afsökunar á þessum ummælum sínum.

Eftir svar Guðna fékk Þórhildur símtal frá lögmanni sem bauð henni að koma á fund hjá KSÍ þar sem henni yrði boðin þagnarskyldusamningur og miskabætur. Hún neitaði því boði.

Þórhildur fékk þá símtal frá öðrum lögmanni sem boðaði hana á fund þar sem landsliðsmaðurinn vildi biðjast afsökunar og greiddi henni miskabætur. 

Tengdar fréttir

Kynferðisbrot innan KSÍ

Landsréttur mildar þriggja ára nauðgunardóm

• „Stjórnarmenn og starfsmenn til margra ára hrökkluðust í burtu“
• Braut persónuverndarlög – Óljóst um miskabætur
• Mál Arons og Eggerts fellt niður
• Landsliðsferlinum lokið?

» Fleiri tengdar fréttir

• Blogga um frétt