Grótta tók sig til og rótburstaði Aftureldingu 8:0 í næstefstu deild karla á Íslandsmótinu í knattspyrnu á Seltjarnarnesi í kvöld.
Pétur Theódór Árnason skoraði fjögur mörk fyrir Gróttu og öll í fyrri hálfleik. Grótta var 6:0 yfir að loknum fyrri hálfleik, ótrúlegt en satt.
Kjartan Kári Halldórsson skoraði tvö mörk fyrir Gróttu og Kristófer Melsteð og Garíel Hrannar Eyjólfsson sitt markið hvor.
Grótta er í 5. sæti deildarinnar með 35 stig en Afturelding er með 23 stig í 9. sæti.