Diljá Ýr Zomers, leikmaður sænska úrvalsdeildarfélagsins Häcken, verður kölluð inn í leikmannahóp íslenska kvennalandsliðsins í knattspyrnu.
Hlín Eiríksdóttir, leikmaður Piteå í Svíþjóð, er að glíma við meiðsli og getur því ekki tekið þátt í leiknum gegn Hollandi í undankeppni HM 2023 næstkomandi þriðjudag.
„Við köllum nýjan leikmann fyrir Hlín í dag. Það kom bakslag hjá henni í dag. Við köllum inn Diljá Ýr í hennar stað,“ sagði Þorsteinn Halldórsson landsliðsþjálfari á Teams-fjarfundi með blaðamönnum í dag.