Júlíus Magnússon miðjumaður Víkings var besti leikmaðurinn í 22. og síðustu umferð úrvalsdeildar karla í knattspyrnu síðasta laugardag, að mati Morgunblaðsins.
Júlíus fékk tvö M fyrir frammistöðu sína í sigri Víkinga á Leikni, 2:0, þegar þeir tryggðu sér Íslandsmeistaratitilinn.
Aðeins einn annar leikmaður fékk tvö M í lokaumferðinni en það var Patrick Pedersen sem skoraði þrennu fyrir Val í 6:0 sigri á Fylki.
Lið 22. umferðar má sjá í heild sinni í Morgunblaðinu í dag.