Guðlaugur Victor Pálsson hefur dregið sig úr íslenska landsliðshópnum í fótbolta fyrir leikinn gegn Liechtenstein í undankeppni HM á morgun.
Knattspyrnusamband Íslands greindi frá í dag í stuttri yfirlýsingu á Twitter. „Hann hefur þegar yfirgefið hópinn og haldið til síns félagsliðs,“ segir í yfirlýsingunni, en ákvörðunin er ekki útskýrð frekar.
Guðlaugur Victor spilar með Schalke í Þýskalandi, en hann var í byrjunarliðinu gegn Armeníu á föstudaginn var.