Áfengi verður ekki haft um hönd

Þorsteinn Halldórsson.
Þorsteinn Halldórsson. mbl.is/Eggert Jóhannesson

Þorsteinn Halldórsson, landsliðsþjálfari kvenna í knattspyrnu, var spurður á blaðamannafundi í morgun hvort áfengi hefði verið haft um hönd í verkefnum landsliðsins eftir að hann tók við sem landsliðsþjálfari. 

„Nei áfengi hefur ekki verið veitt í landsliðsferðum og verður ekki. Nema við verðum Evrópumeistarar. Þá verður skálað í kampavíni,“ sagði Þorsteinn Halldórsson en fram undan næsta sumar er lokakeppni EM á Englandi. 

Íslenski hópurinn er nú í Hollandi þar sem fram undan er vináttuleikur gegn Japan. Á mánudaginn mætir liðið svo Kýpur á útivelli í undankeppni HM. 

mbl.is