Ólafsvíkingurinn Kristján Björn Ríkharðsson hefur verið úrskurðaður í sex mánaða bann frá afskiptum af fótbolta vegna fölsun á leikskýrslu.
Var lið Víkings frá Ólafsvík rangt skráð á leikskýrslu er liðið mætti ÍR í Lengjubikar karla í fótbolta 26. mars síðastliðinn.
Víkingsfélaginu er einnig gert að greiða 160.000 krónur í sekt. Úrslitum leiksins, sem fór 2:1 fyrir Víking, hefur verið breytt í 3:0-sigur ÍR.
Kristófer Daði Kristjánsson var skráður í treyju númer 11 í leiknum en ónefndur leikmaður, sem ekki var kominn með leikheimild, lék í treyjunni í stað Kristófers.
Lesa má nánar um úrskurðinn á heimasíðu KSÍ.