Jason Daði Svanþórsson, kantmaður úr Breiðabliki, var besti leikmaðurinn í fimmtu umferð Bestu deildar karla í fótbolta að mati Morgunblaðsins.
Jason fékk tvö M fyrir frammistöðu sína þegar Blikar sigruðu Stjörnuna 3:2 á Kópavogsvelli en hann skoraði eitt mark og átti stóran þátt í hinum tveimur. Hann var einn þriggja leikmanna í deildinni sem fengu tvö M í umferðinni en hinir voru Erlingur Agnarsson úr Víkingi og Tryggvi Hrafn Haraldsson úr ÍA.
Þessir þrír eru allir í liði umferðarinnar hjá Morgunblaðinu. Þar er Nökkvi Þeyr Þórisson úr KA í þriðja sinn í fyrstu fimm umferðunum en hann og Ísak Snær Þorvaldsson úr Breiðabliki eru þeir einu sem hafa verið valdir þrisvar.
Lið 5. umferðar er birt í Morgunblaðinu í dag