Knattspyrnumaðurinn William Cole Campbell, íslenskur unglingalandsliðsmaður úr FH, hefur samið við þýska stórveldið Borussia Dortmund.
Frá þessu er greint á Sky Germany í dag. Þar segir að William Cole, sem á bandarískan föður og íslenska móður, hafi valið Dortmund fram yfir Þýskalandsmeistara Bayern München.
William Cole er nýorðinn 16 ára en hefur leikið tvo deildarleiki fyrir FH, þar á meðal einn í sumar. Þá hefur hann leikið fimm leiki fyrir U17 ára landslið Íslands og skorað í þeim tvö mörk.