Knattspyrnumaðurinn Emil Atlason hefur framlengt samning sinn við Stjörnuna. Emil hefur farið afar vel af stað í Bestu deildinni í sumar og skorað sex mörk í fyrstu sex leikjunum.
Emil kom til Stjörnunnar árið 2020 og hefur alls skorað 15 mörk í 44 leikjum. Ekki er tekið fram í tilkynningu Stjörnunnar hve lengi nýr samningur Emils gildir.
„Við óskum honum innilega til hamingju með nýjan samning og hlökkum mikið til þess að fylgjast áfram með honum á þessu tímabili, sem og næstu tímabilum,“ segir í yfirlýsingu félagsins.