FH er með fullt hús stiga eftir 2:1 sigur á Fjarðabyggð/Hetti/Leikni í 1. deild kvenna í fótbolta í Fjarðabyggðarhöllinni í dag.
Linli Tu kom heimakonum yfir á 23. mínútu og var það eina mark fyrri hálfleiksins.
Elín Björg Norðfjörð Símonardóttir jafnaði metin á 46. mínútu og Maggý Lárentsínusdóttir skoraði svo sigurmark leiksins á 59. mínútu.
FH jafnar HK á topp deildarinnar með sigrinum í dag, bæði lið með níu stig og sömu markatölu. Fjarðabyggð/Höttur/Leiknir er í því þriðja með sex stig.
Næsti leikur Fjarðabyggðar/Hattar/Leiknis er gegn Grindavík í Grindavík. FH sækir Fjölni heim.