Njarðvík er með fullt hús stiga á toppi 2. deildar karla í fótbolta eftir 3:1-útisigur á Víkingi frá Ólafsvík í dag.
Belgíski framherjinn Oumar Diouck skoraði fyrsta og þriðja mark Njarðvíkur. Þess á milli jafnaði Andri Þór Sólbergsson fyrir Víking og Úlfur Ágúst Björnsson kom Njarðvík í 2:1.
Diouck hefur raðað inn mörkum fyrir KF síðustu ár og hann hefur gert fimm mörk í þremur leikjum með Njarðvík til þessa.
Þá gerðu Haukar og KF 2:2-jafntefli á Ásvöllum. Julio Fernandes kom KF yfir á 24. mínútu en Fannar Óli Friðleifsson og Kristján Ólafsson sneru taflinu við fyrir Hauka með mörkum á 59. og 63. mínútu. KF átti hinsvegar lokaorðið því Sævar Þór Fylkisson jafnaði á 76. mínútu.
Staðan: