Fjölnir og Kórdrengir skildu jöfn, 1:1, í Lengjudeild karla í fótbolta í kvöld, 1. deild.
Reynir Haraldsson, sem kom til Fjölnis frá ÍR fyrir þessa leiktíð, kom heimamönnum yfir undir blálok fyrri hálfleiks með sínu öðru marki á tímabilinu.
Þórir Rafn Þórisson jafnaði á lokamínútunni, einnig með sínu öðru marki á tímabilinu, og þar við sat.
Fjölnir er nú í öðru sæti með sjö stig og Kórdrengir áfram í sjötta með fimm. Leikurinn var sá fyrsti í fjórðu umferð og mun staðan í deildinni breytast töluvert áður en umferðinni er lokið.