Afturelding fór illa með Þórsara
Setja bókamerki
Afturelding vann öruggan 4:1-sigur á Þór frá Akureyri þegar liðin mættust í 1. deild karla í knattspyrnu, Lengjudeildinni, í Mosfellsbænum í kvöld.
Leiknum var seinkað um 75 mínútu eftir að bilun kom upp í flugvélinni sem flutti Akureyringa til Reykjavíkur.
Georg Bjarnason kom Aftureldingu í forystu á 24. Mínútu og aðeins þremur mínútum síðar tvöfaldaði Aron Elí Sævarsson hana.
Afturelding leiddi því 2:0 í hálfleik.
Um miðjan síðari hálfleikinn skoraði Aron Elí annað mark sitt og þriðja mark Aftureldingar.
Á 73. mínútu kom svo fjórða markið þegar Orri Sigurjónsson varð fyrir því óláni að skora sjálfsmark.
Aðeins mínútu síðar lagaði Elvar Baldvinsson stöðuna aðeins fyrir Þór en niðurstaðan þriggja marka sigur Mosfellinga.
Afturelding fer með sigrinum upp í áttunda sæti deildarinnar þar sem liðið er nú með 9 stig, jafnmörg og Vestri í níunda sæti en betri markatölu.
Þór heldur kyrru fyrir í tíunda sæti með aðeins 5 stig, einu stigi fyrir ofan fallsæti.
Upplýsingar eru fengnar af urslit.net
„Þetta er pínu óvanaleg staða“
Moses Hightower og Prins Póló gefa út eyjalag
Hönnun sem bætir líf manna
Mest spennandi kosningar í áratugi
Áköf mótmæli í bandarískum háskólum
Búið að bólusetja börn alla helgina
„Mér finnst Halla Hrund svona Vigdísarleg“