Þróttur úr Reykjavík hafði betur gegn Völsungi, 2:1, þegar liðin mættust í 2. deild karla í knattspyrnu í dag. Þróttur hefur nú unnið sex leiki í deildinni í röð.
Kostiantyn Iaroshenko kom Þrótti yfir strax á sjöttu mínútu leiksins og skömmu fyrir leikhlé tvöfaldaði Sam Hewson forystuna með marki úr vítaspyrnu, hans níunda mark á tímabilinu í tíunda leiknum.
Snemma í síðari hálfleik, á 53. mínútu, minnkaði Baldur Sigurðsson muninn fyrir gestina frá Húsavík
Nær komust þeir þó ekki og sjötti sigur Þróttar í deildinni í röð staðreynd.
Þróttur er áfram í öðru sæti, nú með 25 stig, þremur stigum á eftir toppliði Njarðvíkur.
Völsungur heldur kyrru fyrir í fjórða sæti þar sem liðið er með 17 stig.