Brynjar Gauti Guðjónsson knattspyrnumaður frá Ólafsvík er genginn til liðs við Framara frá Stjörnunni og hefur samið við þá til loka tímabilsins 2024.
Brynjar er þrítugur miðvörður sem var enn í 4. flokki þegar hann hóf að spila með meistaraflokki Víkings í Ólafsvík. Hann lék þar í 1. og 2. deild en síðan með ÍBV og Stjörnunni í úrvalsdeildinni, með Stjörnunni frá 2015. Brynjar hefur nú leikið 207 úrvalsdeildarleiki og skorað í þeim níu mörk.
Hann hefur fengið fá tækifæri með Stjörnuliðinu í ár og aðeins komið við sögu í fjórum leikjum í deildinni.
Framarar hafa því fengið tvo reynda leikmenn í sínar raðir á síðustu dögum en Almarr Ormarsson kom til þeirra frá Val í síðustu viku.