Guðjón Ernir Hrafnkelsson, hægri bakvörður Eyjamanna, var besti leikmaður 11. umferðar Bestu deildar karla að mati Morgunblaðsins. Guðjón Ernir fékk tvö M fyrir frammistöðu sína í vörn Eyjamanna þegar þeir gerðu óvænt markalaust jafntefli við topplið Breiðabliks og urðu fyrsta liðið í ár til að halda marki sínu hreinu gegn Kópavogsliðinu.
Guðjón var jafnframt eini leikmaður deildarinnar sem fékk tvö M í elleftu umferðinni og er í fyrsta sinn í liði umferðarinnar. Þar eru þrír leikmenn í þriðja skipti, þeir Patrik Johannesen, sóknarmaður Keflavíkur, Daníel Laxdal, miðjumaður Stjörnunnar, og Ívar Örn Árnason, miðvörður KA-manna.
Úrvalslið 11. umferðar Bestu deildar karla má sjá í Morgunblaðinu í dag