Ólöf Sigríður Kristinsdóttir, leikmaður Þróttar úr Reykjavík, var besti leikmaður 13. umferðar Bestu deildar kvenna í knattspyrnu að mati Morgunblaðsins. Ólöf Sigríður skoraði eitt mark og lagði upp tvö þegar Þróttarar unnu stórsigur gegn ÍBV á Avis-vellinum í Laugardal á þriðjudaginn en Ólöf fékk tvö M fyrir frammistöðu sína í leiknum.
Ásamt Ólöfu fengu Blikarnir Agla María Albertsdóttir og Karitas Tómasdóttir einnig tvö M fyrir frammistöðu sína gegn KR.
Þróttarinn Katla Tryggvadóttir er í liði umferðarinnar í fimmta sinn í sumar og þær Karitas, Cyera Hintzen, framherji Vals, og Caroline Van Slambrouck, varnarmaður Keflavíkur, eru allar í liðinu í þriðja sinn.
Lið umferðarinnar má sjá í heild sinni í Morgunblaðinu í dag.