Hinn 18 ára gamli Adolf Daði Birgisson leikur líklegast ekki meira með Stjörnunni á leiktíðinni vegna meiðsla.
Adolf hefur komið skemmtilega inn í lið Stjörnunnar í Bestu deildinni í fótbolta á leiktíðinni, skorað þrjú mörk og komið við sögu í 15 leikjum á sínu fyrsta alvörutímabili í efstu deild.
Ágúst Gylfason, þjálfari Stjörnunnar, staðfesti tíðindin í samtali við Fótbolta.net.