Höskuldur Gunnlaugsson verður fyrirliði íslenska karlalandsliðsins í knattspyrnu þegar það mætir Suður-Kóreu í vináttulandsleik í Hwaseong í Suður-Kóreu klukkan 11.
Arnar Þór Viðarsson, þjálfari íslenska liðsins, tilkynnti byrjunarlið sitt fyrir leikinn rétt í þessu en Frederik Schram stendur á milli stanganna hjá íslenska liðinu.
Daniel Dejan Djuric er að leika sinn fyrsta A-landsleik en alls gerir Arnar Þór sjö breytingar á byrjunarliðinu frá leiknum gegn Sádi-Arabíu í Abú Dabí á sunnudaginn.
Höskuldur, Damir Muminovic, Róbert Orri Þorkelsson og Óttar Magnús Karlsson halda allir sætum sínum í byrjunarliðinu.
Byrjunarlið Íslands:
Markvörður: Frederik Schram.
Varnarmenn: Höskuldur Gunnlaugsson, Damir Muminovic, Róbert Orri Þorkelsson, Hörður Ingi Gunnarsson.
Miðjumenn: Júlíus Magnússon, Viktor Karl Einarsson, Viktor Örlyg Andrason.
Sóknarmenn: Bjarki Steinn Bjarkason, Danijel Dejan Djuric, Óttar Magnús Karlsson.