Svekkjandi að hafa ekki náð að nýta þetta betur

„Þetta var lokaður leikur og þó þeir hafi verið meira með boltann voru þeir ekki að ógna okkur mikð,“ sagði Júlíus Magnússon, miðjumaður íslenska karlalandsliðsins í knattspyrnu, í samtali við vefsjónarp KSÍ, eftir 0:1-tap liðsins gegn Suður-Kóreu í vináttulandsleik í Hwaseong í Suður-Kóreu í dag.

Frétt af mbl.is

Ísland skrefi á eftir Suður-Kóreu í Hwaseong

„Mér fannst við loka vel á þá og okkur þegar að við þorðum að pressa þá á þeirra eigin vallarhelmingi þá komum við okkur oft í góðar stöður. Eins þá fengum við fín tækifæri þegar að við þorðum að halda í boltann og spila okkur í gegnum þá og það er kannski mest svekkjandi að hafa ekki náð að nýta þær leikstöður betur,“ sagði Júlíus.

Júlíus var að leika sinn þriðja A-landsleik á ferlinum í dag.

„Ég er heilt yfir sáttur með frammistöðu okkar miðjumannanna. Við náðum að þrýsta þeim út á kantana og ég er ánægður með að þeir hafi ekki náð að spila sig í gegnum okkur á miðsvæðinu,“ sagði Júlíus meðal annars.

• Blogga um frétt