Missir af fyrsta EM-leiknum í tólf ár
Setja bókamerki
Birkir Bjarnason, leikjahæsti leikmaður karlalandsliðs Íslands í fótbolta frá upphafi, missir af leik í undankeppni eða lokakeppni EM í fyrsta skipti í tólf ár þegar Ísland mætir Bosníu í Zenica fimmtudaginn 23. mars.
Frá því Ísland mætti Noregi í Ósló í undankeppni EM 2. september árið 2011 hefur Birkir leikið hvern einasta leik Íslands í undankeppni EM og í lokakeppni EM, eða samtals 28 leiki í röð.
Á sama tíma hefur hann aðeins misst af tveimur öðrum mótsleikjum. Birkir lék ekki með gegn Kósóvó í undankeppni HM vegna meiðsla árið 2017 og missti síðan af leik gegn Belgíu í Þjóðadeild UEFA árið 2018.
Frá leiknum gegn Noregi haustið 2011 hefur Birkir spilað 75 mótsleiki fyrir Ísland af 77 mögulegum.
Birkir hefur samtals leikið 113 A-landsleiki fyrir Íslands hönd, níu leikjum meira en sá næstleikjahæsti hjá karlalandsliðinu sem er Rúnar Kristinsson.
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“
Eyjafjarðarbraut lokað vegna alvarlegs umferðarslyss
Æskuvinur Íslendings myrtur í Noregi
Skemmtiferðaskip hætt komið nærri Viðey
„Skýr skilaboð til Seðlabankans“