Tveir af þremur þekktustu leikmönnum Bosníu verða ekki með liðinu er það mætir Íslandi í undankeppni EM karla í fótbolta í Zenica í Bosníu í kvöld.
Miralem Pjanic, sem hefur leikið með Lyon, Juventus og Barcelona, er ekki í hópnum vegna meiðsla. Var hann ekki valinn í leikmannahópinn fyrir leikinn gegn Íslandi.
Sead Kolasinac, sem hefur leikið með Arsenal og Schalke og er nú leikmaður Marseille, verður heldur ekki með gegn Íslandi vegna meiðsla. Var hann valinn í hópinn gegn Íslandi en meiddist í aðdraganda leiksins.
Edin Dzeko er skærasta stjarna bosníska liðsins og verður fyrirliðinn á sínum stað í framlínu liðsins. Tveir af þremur þekktustu leikmönnum bosníska liðsins eru hins vegar fjarverandi.