Ekki í hópnum en æfa með liðinu

Åge Hareide, þjálfari íslenska karlalandsliðsins í knattspyrnu, greindi frá því á blaðamannafundi í dag að tveir leikmenn sem voru ekki valdir í 25-manna leikmannahópinn fyrir leiki gegn Slóvakíu og Portúgal í undankeppni EM æfi þrátt fyrir það með liðinu í vikunni.

Frétt af mbl.is

Hareide gerir sjö breytingar á landsliðshópnum

„Andri Fannar Baldursson og Kolbeinn Birgir Finnsson æfa með okkur í vikunni,“ sagði Hareide á fundinum.

Frétt af mbl.is

Sjö atvinnumenn hjá U21

Andri Fannar er leikmaður NEC Nijmegen í Hollandi og er í U21-árs hópnum fyrir tvo vináttuleiki sem liðið leikur gegn Austurríki og Ungverjalandi í mánuðinum.

Andri Fannar Baldursson í leik með U21-árs landsliðinu á síðasta ári. mbl.is/Eggert Jóhannesson

Kolbeinn Birgir er einn lykilmanna Íslendingaliðs Lyngby, sem bjargaði sæti sínu í dönsku úrvalsdeildinni með lygilegum hætti um liðna helgi.

• Blogga um frétt