„Vonandi nær hann að sannfæra okkar besta fótboltamann Gylfa Þór,“ sagði íþróttafréttamaðurinn fyrrverandi Guðjón Guðmundsson, betur þekktur sem Gaupi, í Fyrsta sætinu, íþróttahlaðvarpi mbl.is og Morgunblaðsins, þegar rætt var um íslenska karlalandsliðið í fótbolta.
Åge Hareide tók við þjálfun íslenska liðsins í apríl og liðið leikur sína fyrstu landsleiki undir hans stjórn dagana 17. og 20. júní þegar Slóvakía og Portúgal mæta á Laugardalsvöll í undankeppni EM 2024.
„Hann á nóg eftir og vonandi kemur hann til baka og hjálpar okkur,“ sagði Gaupi.
„Með hann innanborðs, í sæmilegu standi, er vonin mun meiri,“ sagði Gaupi meðal annars.
Umræðan um íslenska karlalandsliðið í fótbolta hefst á 52. mínútu en hægt er að hlusta á umræðuna í heild í spilaranum hér fyrir ofan. Þátturinn er einnig aðgengilegur á öllum helstu hlaðvarpsveitum.