Ætlum okkur Evrópusæti

Theodór Elmar Bjarnason, leikmaður KR, var svekktur með að hafa ekki náð í öll stigin þrjú eftir 2:2 jafntefli við Víking í Bestu deildinni í fótbolta í kvöld. 

„Við erum mjög sáttir við að hafa náð að koma til baka eftir að hafa verið 2:0 undir í hálfleik en ég er líka frekar svekktur að hafa ekki bara náð að stela sigrinum,“ sagði hann við mbl.is eftir leikinn.

Frétt af mbl.is

Víkingar þurfa að bíða lengur

Það er ennþá möguleiki á Evrópusæti. Er það endamarkmið KR á þessu tímabili?

„Við ætlum okkur að ná Evrópusæti. Við erum ekki að horfa á neitt annað en það.“

Næsti leikur er á móti Val sem þið verðið að vinna ekki satt?

„Það er búið að ganga ansi brösuglega á móti Val í sumar og við þurfum að sýna okkur stuðningsmönnum og sanna fyrir okkur sjálfum að munurinn á KR og Val er ekki sá sem undanfarin úrslit hafa sýnt og til að ná okkar markmiðum þá þurfum við að vinna Val,“ sagði Theodór Elmar í samtali við mbl.is eftir leik.  

• Blogga um frétt