Byrjunarlið Íslands klárt – engin Sveindís
Setja bókamerki
Þorsteinn Halldórsson, landsliðsþjálfari kvenna í fótbolta, hefur opinberað byrjunarlið Íslands gegn Wales í 1. umferð Þjóðadeildarinnar, en flautað verður til leiks á Laugardalsvelli klukkan 18.
Alls eru fimm breytingar á íslenska liðinu frá 1:0-sigrinum á Austurríki í vináttuleik í júlí.
Telma Ívarsdóttir kemur í markið og þær Sandra María Jessen, Ingibjörg Sigurðardóttir, Hlín Eiríksdóttir og Amanda Andradóttir koma einnig inn í liðið.
Þær koma inn fyrir Cecilíu Rán Rúnarsdóttur, Örnu Sif Ásgrímsdóttur, Sveindísi Jane Jónsdóttur, Elísu Viðarsdóttur og Alexöndru Jóhannsdóttur.
Byrjunarlið Íslands:
Mark: Telma Ívarsdóttir.
Vörn: Guðrún Arnardóttir, Glódís Perla Viggósdóttir, Ingibjörg Sigurðardóttir.
Miðja: Diljá Ýr Zomers, Hildur Antonsdóttir, Karólína Lea Vilhjálmsdóttir, Selma Sól Magnúsdóttir, Sandra María Jessen.
Sókn: Hlín Eiríksdóttir, Amanda Andradóttir.
