Þorsteinn: Ég er ekki læknir
Þorsteinn Halldórsson á hliðarlínunni í kvöld.
mbl.is/Eggert Jóhannesson
Setja bókamerki
Þorsteinn Halldórsson veit ekki nákvæmlega hver staðan á meiðslum landsliðskonunnar Sveindísar Jane Jónsdóttur er.
Sveindís var ekki með íslenska landsliðinu þegar liðið sigraði Wales, 1:0, í fyrsta leik liðanna í 3. riðli A-deildarinnar í Þjóðadeildar kvenna í fótbolta á Laugardalsvelli í kvöld.
Hún mun heldur ekki taka þátt í landsleik Íslands gegn Þýskalandi á þriðjudaginn kemur en Bryndís Arna Níelsdóttir var kölluð inn í hennar stað.
Spurður um meiðsli Sveindísar á blaðamannafundi eftir leik svaraði Þorsteinn: „Ég er ekki læknir þó ég viti ýmislegt. Ég veit ekki alveg hversu alvarleg meiðslin eru. Það á eftir að koma í ljós.“
