21. umferð: Eiður og Kristinn í 300 - þrír hundraðkallar í KA
Setja bókamerki
Eiður Aron Sigurbjörnsson, varnarmaður Vestra, náði stórum áfanga á ferlinum í gær þegar Vestramenn tóku á móti Fylki í botnslag í Bestu deild karla í fótbolta.
Eiður lék þar sinn 300. deildaleik á ferlinum, heima og erlendis, og þar af eru 216 leikir í efstu deild hér á landi. Þar af 134 með ÍBV, 68 með Val og nú 14 með Vestra. Til viðbótar hefur Eiður leikið 22 leiki með ÍBV í 1. deild og 62 deildaleiki erlendis með Örebro í Svíþjóð, Sandnes Ulf í Noregi og Holstein Kiel í Þýskalandi.
Kristinn Freyr Sigurðsson úr Val er kominn með 300 deildaleiki á Íslandi en hann náði þeim áfanga í 20. umferðinni. Kristinn, sem var í banni þegar Valur mætti Víkingi í gærkvöld, er kominn með 262 leiki í efstu deild, þar af 214 með Val, 24 með FH og 14 með Fjölni. Þá hefur Kristinn leikið 38 leiki í 1. deild með Fjölni.
Til viðbótar þessum 300 leikjum á Íslandi hefur Kristinn leikið 26 leiki með Sundsvall í sænsku úrvalsdeildinni og því samtals 326 deildaleiki á ferlinum.
Talan 100 var alls ráðandi hjá KA-mönnum þegar þeir tóku á móti Breiðabliki í gær. KA-mennirnir Bjarni Aðalsteinsson og Hans Viktor Guðmundsson léku báðir sinn 100. leik í efstu deild og Rodrigo Gomes lék sinn 100. leik fyrir KA í deildinni.
Bjarni hefur leikið alla sína 100 leiki fyrir KA en hann og Rodrigo eru 11. og 12. leikmaðurinn sem ná þeim leikjafjölda fyrir Akureyrarliðið í deildinni. Hans Viktor hefur nú leikið 19 leiki fyrir KA í deildinni en hann lék áður 81 leik fyrir Fjölni. Rodrigo hefur auk 100 leikjanna fyrir KA leikið 46 leiki fyrir Grindavík í efstu deild.
Benoný Breki Andrésson var aðeins 35 mínútur að skora þrennu fyrir KR gegn ÍA og Alexander Rafn Pálmason úr KR er orðinn yngsti leikmaður í sögu efstu deildar karla en nánar má lesa um þetta tvennt hér:
Úrslitin í 20. umferð:
Vestri - Fylkir 0:0
KA - Breiðablik 2:3
FH - Stjarnan 0:3
KR - ÍA 4:2
Víkingur - Valur 3:2
HK - Fram 1:0
Markahæstir í deildinni:
16 Viktor Jónsson, ÍA
13 Patrick Pedersen, Val
11 Jónatan Ingi Jónsson, Val
10 Benoný Breki Andrésson, KR
10 Emil Atlason, Stjörnunni
9 Gylfi Þór Sigurðsson, Val
8 Björn Daníel Sverrisson, FH
8 Helgi Guðjónsson, Víkingi R.
7 Höskuldur Gunnlaugsson, Breiðabliki
7 Sigurður Bjartur Hallsson, FH
7 Tryggvi Hrafn Haraldsson, Val
7 Valdimar Þór Ingimundarson, Víkingi
6 Ari Sigurpálsson, Víkingi R.
6 Danijel Dejan Djuric, Víkingi R.
6 Guðmundur Magnússon, Fram
6 Hallgrímur Mar Steingrímsson, KA
6 Ísak Snær Þorvaldsson, Breiðabliki
5 Arnþór Ari Atlason, HK
5 Atli Þór Jónasson, HK
5 Ásgeir Sigurgeirsson, KA
5 Daníel Hafsteinsson, KA
5 Haukur Örn Brink, Stjörnunni
5 Hinrik Harðarson, ÍA
5 Jason Daði Svanþórsson, Breiðabliki
5 Nikolaj Hansen, Víkingi R.
5 Óli Valur Ómarsson, Stjörnunni
5 Úlfur Ágúst Björnsson, FH
5 Viðar Örn Kjartansson, KA
5 Viktor Karl Einarsson, Breiðabliki
5 Örvar Eggertsson, Stjörnunni
Næstu leikir:
13.9. KR - Víkingur R.
15.9. Fram - FH
15.9. Breiðablik - HK
15.9. ÍA - KA
15.9. Stjarnan - Vestri
16.9. Fylkir - Víkingur R.
16.9. Valur - KR
Lögregla sótti barn inn á klósett
„Kom okkur á óvart“
Fyrirvaralaus athugun ESA á Íslandi
Styðja tillögu Bjarna og vilja kosningar strax
Fer Íris fram – og þá fyrir hvaða flokk?
Þarf að ræða möguleika á að skipa starfsstjórn
„Gæti ekki verið meira sama um alla spekingana“