Rúnar Kristinsson náði áfanga á þjálfaraferlinum í gærkvöld þegar hann stýrði liði Fram gegn HK í Kórnum í 26. og næstsíðustu umferð Bestu deildar karla í fótbolta.

Rúnar var við stjórnvölinn í 262. skipti í efstu deild karla og er þar með orðinn fjórði leikjahæsti þjálfari deildarinnar frá upphafi, á eftir Ólafi Jóhannessyni, Heimi Guðjónssyni og Loga Ólafssyni.

Rúnar fór upp fyrir Ásgeir Elíasson, hinn sigursæla þjálfara Fram, sem stýrði samtals 261 leik í deildinni á árum áður.

Af þessum 262 leikjum Rúnars eru 236 fyrir KR og 26 fyrir Fram. Hann fór fyrr á tímabilinu fram úr Bjarna Jóhannssyni,  Kristjáni Guðmundssyni og Ólafi H. Kristjánssyni í leikjafjölda í deildinni.

Viktor Jónsson sækir að Gunnari Vatnhamar í leik ÍA og Víkings á laugardaginn. Ljósmynd/Guðmundur Bjarki

Viktor Jónsson skoraði sitt 18. mark í deildinni á þessu tímabili þegar Skagamenn töpuðu 4:3 fyrir Víkingi í magnaðri viðureign liðanna á Akranesi á laugardaginn. Þar með er Viktor kominn í færi til að jafna eða jafnvel slá markamet deildarinnar sem er 19 mörk, þegar Skagamenn heimsækja Val í lokaumferðinni næsta laugardag.

Fimm leikmenn eiga metið saman, þeir Pétur Pétursson (1978), Guðmundur Torfason (1986), Þórður Guðjónsson (1993), Tryggvi Guðmundsson (1997) og Andri Rúnar Bjarnason (2017).

Benoný Breki Andrésson úr KR og Patrick Pedersen geta líka gert atlögu að metinu í lokaumferðinni en þurfa þá þrennu til að jafna það því báðir hafa þeir skorað 16 mörk fyrir sitt félag á tímabilinu.

Úrslit­in í 26. um­ferð:
ÍA - Vík­ing­ur R. 3:4
FH - Val­ur 1:1
Breiðablik - Stjarn­an 2:1
KA - Vestri 2:1
Fylk­ir - KR 0:1
HK - Fram 2:1

Marka­hæst­ir í deild­inni:
18 Vikt­or Jóns­son, ÍA
16 Beno­ný Breki Andrés­son, KR
16 Pat­rick Peder­sen, Val
13 Emil Atla­son, Stjörn­unni
11 Helgi Guðjóns­son, Vík­ingi R.
11 Jónatan Ingi Jóns­son, Val
10 Gylfi Þór Sig­urðsson, Val
9 Danij­el Dej­an Djuric, Vík­ingi R.
9 Hösk­uld­ur Gunn­laugs­son, Breiðabliki
9 Tryggvi Hrafn Har­alds­son, Val
9 Valdi­mar Þór Ingi­mund­ar­son, Vík­ingi R.
8 Andri Rún­ar Bjarna­son, Vestra
8 Ari Sig­urpáls­son, Vík­ingi R.
8 Björn Daní­el Sverr­is­son, FH
7 Arnþór Ari Atla­son, HK
7 Atli Þór Jón­as­son, HK
7 Ásgeir Sig­ur­geirs­son, KA
7 Hall­grím­ur Mar Stein­gríms­son, KA
7 Hinrik Harðar­son, ÍA
7 Ísak Snær Þor­valds­son, Breiðabliki
7 Kjart­an Kári Hall­dórs­son, FH
7 Ni­kolaj Han­sen, Vík­ingi R. 
7 Sig­urður Bjart­ur Halls­son, FH
6 Alex Freyr Elísson, Fram
6 Atli Sig­ur­jóns­son, KR
6 Guðmund­ur Magnús­son, Fram
6 Luke Rae, KR
6 Viðar Örn Kjart­ans­son, KA
6 Vikt­or Karl Ein­ars­son, Breiðabliki

Næstu leik­ir:
26.10. KR - HK
26.10. Fram - KA
26.10. Vestri - Fylkir
26.10. Stjarnan - FH
26.10. Valur - ÍA
27.10. Víkingur R. - Breiðablik

Tengdar fréttir

Besta deild í tölum

Sara náði sjaldgæfum áfanga

• 27. umferð: Sjaldgæfur áfangi Hallgríms - tveir í 200 - KR 600
• Annar á öldinni - þrír KR-ingar í röð
• 23. umferð: Kveður með stórum áfanga
• 25. umferð: Hilmar í fámennan hóp - þrír 70 marka menn skoruðu

» Fleiri tengdar fréttir

• Blogga um frétt