Snýr aftur til Vals

Knattspyrnumarkvörðurinn Sveinn Sigurður Jóhannesson er genginn til liðs við Val að nýju eftir ársdvöl hjá Vestra.

Sveinn Sigurður er þrítugur og tókst ekki að spila fyrir Vestra á síðasta tímabili eftir að hafa slitið hásin áður en það hófst.

Hann var áður á mála hjá Val á árunum 2018 til 2023 en ólst upp hjá Stjörnunni.

Fjórir markverðir eru nú á mála hjá Val þar sem Stefán Þór Ágústsson hefur staðið í markinu í upphafi tímabils, Frederik Schram var á dögunum keyptur aftur til félagsins, Ögmundur Kristinsson hefur verið að glíma við meiðsli að undanförnu auk þess sem Sveinn Sigurður hefur nú bæst við.

• Blogga um frétt