Valur áfram eftir framlengingu

Bikarmeistarar Vals eru komnir áfram eftir sigur á Fram, 3:2, í bikarkeppni kvenna í knattspyrnu í Úlfarsárdalnum í kvöld. 

Valskonur hafa byrjað tímabilið brösuglega í deildinni en Nadía Ataldóttir kom þeim yfir á þriðju mínútu leiksins. 

Lily Farkas jafnaði hins vegar metin fyrir Framkonur á 10. mínútu og Alda Ólafsdóttir kom þeim yfir á 23. mínútu, 2:1, sem var staðan í fyrri hálfleik. 

Jasmín Erla Ingadóttir jafnaði metin fyrir Val á 66. mínútu, 2:2, en ekki var meira skorað í venjulegum leiktíma. 

Jordyn Rhodes skoraði síðan sigurmark Vals á 111. mínútu. 

• Blogga um frétt