10. umferð: Björn, Aron, Andri, Matthías og Tryggvi
Setja bókamerki
Björn Daníel Sverrisson, fyrirliði FH, náði stórum áfanga í 10. umferð Bestu deildar karla í fótbolta og sama gerði Valsmaðurinn Aron Jóhannsson í öðrum leiknum í röð.
Björn Daníel lék sinn 350. deildaleik á ferlinum þegar FH gerði markalaust jafntefli við Aftureldingu á sunnudaginn. Þar af eru 245 leikir fyrir FH þar sem hann er þriðji leikjahæstur frá upphafi, 57 fyrir Viking í norsku úrvalsdeildinni, 39 fyrir AGF í dönsku úrvalsdeildinni og níu leikir fyrir Vejle í dönsku B-deildinni.
Aron, sem skoraði á dögunum sitt 100. deildamark á ferlinum, lék sinn 300. deildaleik þegar Valur vann Fram 2:1 á Hlíðarenda í gærkvöld. Þar af eru 107 leikir fyrir Val og Fjölni, 65 leikir í Danmörku, 60 í Hollandi, 28 í Þýskalandi, 31 í Svíþjóð og níu í Póllandi.
Andri Rafn Yeoman lék með Breiðabliki í sigrinum á Víkingi, 3:1, í toppslagnum í fyrrakvöld. Það var hans 305. leikur í efstu deild og hann fór þar með upp fyrir Gunnleif Gunnleifsson og er fjórði leikjahæstur í deildinni frá upphafi.
Matthías Vilhjálmsson skoraði sitt 60. mark í efstu deild hér á landi þegar hann gerði mark Víkings í þeim sama leik. Þar af eru 53 mörk fyrir FH þar sem Matthías er fimmti markahæstur, og nú sjö fyrir Víking.
Tryggvi Hrafn Haraldsson skoraði líka sitt 60. mark í efstu deild þegar hann kom Val í 2:1 gegn Fram í gærkvöld. Hann hefur þar með skorað 35 mörk fyrir Val, þar sem hann er orðinn tíundi markahæstur frá upphafi í efstu deild, og 25 fyrir ÍA.
Markahæstir eftir 10. umferð:
9 Patrick Pedersen, Val
7 Eiður Gauti Sæbjörnsson, KR
7 Tobias Thomsen, Breiðabliki
6 Aron Sigurðarson, KR
5 Daði Berg Jónsson, Vestra
5 Tryggvi Hrafn Haraldsson, Val
5 Viktor Jónsson, ÍA
5 Vuk Oskar Dimitrijevic, Fram
5 Örvar Eggertsson, Stjörnunni
Nýjar myndir: Hraun rennur til austurs
„Það væri þá bara hið besta mál“
80% stæðust ekki greiðslumat með lágmarks eigið fé
Myndir: Sprungan orðin yfir 1,5 km að lengd
Fyrirtækjaeigendur í Grindavík mótmæla mismunun
Sprungan lengist enn til norðurs