„Árangur liðsins langt undir væntingum“

Eggert Herbertsson, formaður knattspyrnudeildar ÍA, segir það ljóst að slæmur árangur karlaliðsins á tímabilinu hafi orsakað það að Jón Þór Hauksson lét af starfi sínu sem þjálfari.

ÍA er á botni Bestu deildarinnar með níu stig eftir 11 leiki, þremur stigum frá öruggu sæti.

Frétt af mbl.is

Jón Þór hættur hjá ÍA

„Þetta er svo sem ekki mjög flókið. Árangur liðsins hefur verið langt undir væntingum.

Við í stjórninni, ásamt þjálfara, vorum sammála um að það þyrfti að gera þessar breytingar, til þess að reyna að rífa okkur aðeins í gang,“ sagði Eggert í samtali við Vísi og bætti við að hann hafi átt frumkvæðið að því að samstarfinu yrði slitið, þó Jón Þór hafi verið sammála því.

„Þetta var bara samtal okkar á milli og aðilar sammála um að þetta væri rétt niðurstaða að svo stöddu. Báðir aðilar telja best að leiðir skilji núna og að við reynum að koma okkur á rétta braut.“

• Blogga um frétt