Jón Þór hættur hjá ÍA

Jón Þór Hauksson er hættur sem þjálfari karlaliðs ÍA í knattspyrnu. 

Þetta staðfesti félagið á samfélagsmiðlum í dag en Skagamönnum hefur gengið illa á tímabilinu og eru í neðsta sæti Bestu deildarinnar með níu stig eftir ellefu umferðir.  ÍA tapaði illa fyrir nýliðum Aftureldingar í gærkvöldi, 4:1. Ákvörðunin er þá sögð vera sameiginleg. 

Frétt af mbl.is

„Ég ræð ekki þjálfara, hvorki í þessu félagi né öðrum“

Jón Þór var á sínu fjórða tímabili með ÍA en liðið féll árið 2022 en vann síðan 1. deildina ári síðar.

ÍA stóð sig vel sem nýliði í deildinni í fyrra og hafnaði í fimmta sæti. Þrátt fyrir litlar breytingar á leikmannahópnum hefur árangur í ár verið slæmur. 

Samkvæmt ÍA hefur félagið hafið leit að nýjum þjálfara og verður tilkynnt um framhaldið þegar það liggur fyrir. 

Jón Þór þjálfaði áður Vestra og íslenska kvennalandsiðið. 

• Blogga um frétt