Baulað á ísraelska dómara: „Áhorfendur gera það sem þeir vilja“

Hluti stuðningsmanna Íslands baulaði þegar vallarþulur á Laugardalsvelli tilkynnti að dómarar leiksins gegn Frakklandi í undankeppni HM 2026 í fótbolta karla í gærkvöldi væru frá Ísrael.

Ástandið á Gasasvæðinu hefur vart farið framhjá neinum og var Arnar Gunnlaugsson, þjálfari íslenska landsliðsins, spurður á fréttamannafundi hvort honum þætti það viðeigandi að baulað væri á dómara leiksins vegna þjóðernis þeirra.

Frétt af mbl.is

Frækið jafntefli Íslands gegn Frakklandi

„Ég bara tók ekki eftir því, því miður. En áhorfendur eru fullorðið fólk að mestu leyti og þeir hafa rétt á að gera það sem þeir vilja,“ svaraði landsliðsþjálfarinn.

Ísland og Frakkland gerðu jafntefli, 2:2, í D-riðli undankeppninnar í gærkvöldi.

• 1 blogg um fréttina

Bloggað um fréttina

• Ómar Geirsson: Gyðingahatur sprettur ekki upp af sjálfu sér.