Hannes er óumdeilt númer eitt
Setja bókamerki
Tengdar fréttir
EM 2016 í fótbolta
í Saint-Étienne Hannes Þór Halldórsson, aðalmarkvörður landsliðsins síðustu ár, hefur sjálfur greint frá því að Evrópumótið hafi verið í hættu hjá sér vegna axlarmeiðslanna sem hann varð fyrir á æfingu landsliðsins í nóvember.
En með eljusemi, þrautseigju, dugnaði og metnaði tókst Hannesi að komast í EM-form. Það var góð ákvörðun hjá honum að ganga í raðir norska úrvalsdeildarliðsins Bodö/Glimt og þar hefur hann staðið sig afar vel og er óumdeilt markvörður númer eitt í landsliðinu og verður það á Evrópumótinu.
Honum til trausts og halds eru Ögmundur Kristinsson og Ingvar Jónsson. Undirritaður átti von á að Gunnleifur Gunnleifsson yrði í hlutverki annars hvors þeirra en „gamli“ maðurinn var skilinn eftir heima. Ögmundur hefur fengið fleiri tækifæri en Ingvar til að sýna sig og sanna fyrir landsliðsþjálfurunum en hefur á köflum misstigið sig og eftir góða innkomu Ingvars í leiknum gegn Norðmönnum á dögunum er allt eins víst að hann sé orðinn framar í goggunarröðinni.
Sjá ítarlega umfjöllun um EM í íþróttablaði Morgunblaðsins í dag
