Vonandi sjá þær þetta ekki
Sindri Sverrisson
Setja bókamerki
Tengdar fréttir
Ísland á EM í Hollandi 2017
„Þetta er allt voða spennandi en þetta er líka fljótt að líða og maður þarf bara að njóta þess að vera hérna,“ segir Ingibjörg Sigurðardóttir, einn nýliðanna í íslenska landsliðinu sem leikur á EM í knattspyrnu í Hollandi.
Ingibjörg hafði ekki spilað A-landsleik þegar sumarið gekk í garð en stóð sig frábærlega í sínum fyrstu og einu leikjum, gegn Írlandi og Brasilíu í júní, og tryggði sér EM-farseðilinn. Þessi 19 ára miðvörður Breiðabliks, sem uppalin er í Grindavík, er því á meðal gesta á hótelinu sem íslenski hópurinn dvelur á í Ermelo:
„Það kom mér eiginlega svolítið á óvart. Það gekk einhvern veginn allt upp og mér líður rosalega vel inni á vellinum með stelpunum. Þær eru svo ótrúlega góðar í að tala við mig og koma mér inn í þetta. Ég fíla þetta ótrúlega vel,“ segir Ingibjörg. Hún hefur meira að segja sloppið alfarið við nýliðavígslu hingað til, og ef til vill er sá siður á undanhaldi:
„Nei, ég vil nú helst ekki vera að nefna þetta. Vonandi sjá þær þetta ekki og gleyma þessu bara,“ segir Ingibjörg lauflétt.
Nánar er rætt við hana í meðfylgjandi myndskeiði.
Tengdar fréttir
Ísland á EM í Hollandi 2017
