England vann Frakkland og fer í undanúrslit
Jodie Taylor fagnar sigurmarki sínu í kvöld.
AFP
Setja bókamerki
Enska kvennalandsliðið í knattspyrnu er komið í undanúrslit Evrópumótsins í Hollandi eftir 1:0-sigur á Frökkum í átta liða úrslitum í kvöld. Jodie Taylor skoraði sigurmarkið á 60. mínútu.
Þetta er í fyrsta skipti síðan árið 1995 sem enska liðið nær svo langt á Evrópumóti. Taylor er nú markahæsti leikmaður mótsins með fimm mörk í þremur leikjum.
Enska liðið mætir heimakonum í Hollandi í undanúrslitum.
