England lagði Serbíu

England vann nauman 1:0-sigur á Serbíu í C-riðli Evrópumótsins í knattspyrnu í Gelsenkirchen í Þýskalandi í kvöld. 

England er í efsta sæti riðilsins með þrjú stig en á eftir koma Slóvenía og Danmörk með eitt stig. Serbía er síðan í neðsta sæti án stiga. 

England tók forystuna á 13. mínútu með marki frá Jude Bellingham. Hægri kantmaður Englendinga Bukayo Saka kom með fyrirgjöf á miðjan vítateiginn þar sem Bellingham mætti af miklum krafti og stangaði boltann í netið, 1:0. 

Kyle Walker fékk ágætis færi um miðbik fyrri hálfleiks til að tvöfalda forystu Englands en skot hans fór framhjá. Staðan 1:0, Englandi í vil í hálfleik.  

Síðari hálfleikurinn var afar rólegur, líkt og sá fyrri. Liðin skiptust á að vera með boltann og var lítið um færi. 

Harry Kane var ekki langt frá því að koma Englandi í 2:0 þegar rúmur stundarfjórðungur var eftir af leiknum. Varamaðurinn Jarrod Bowen átti góða fyrirgjöf sem rataði á Kane á fjærstönginni sem náði föstum skalla en Predrag Rajkovic varði í slána. 

Serbía var nálægt því að jafna þegar Dusan Vlahovic, leikmaður Juventus, átti hörku skot rétt fyrir utan teig en Jordan Pickford varði glæsilega. Lítið gerðist í kjölfarið og sigldu Englendingar sigrinum heim nokkuð örugglega. Lokaniðurstöður, 1:0 sigur Englands.

Byrjunarliðin: 

Serbía: (3-5-2) 

Mark: Predrag Rajkovic.

Vörn: Milos Veljkovic, Nikola Milenkovic, Strahinja Pavlovic.

Miðja: Andrija Zivkovic (Veljko Birmancevic 74.), Sasa Lukic (Dusan Tadic 61.), Sergej Milinkovic-Savic, Nemanja Gudelj (Ivan Ilic 46.), Filip Kostic (Filip Mladenovic 44.). 

Sókn: Aleksandar Mitrovic (Luka Jovic 61.), Dusan Vlahovic.

England: (4-3-3) 

Mark: Jordan Pickford. 

Vörn: Kyle Walker, John Stones, March Guéhi, Kieran Trippier.

Miðja: Trent Alexander-Arnold (Conor Gallagher 69.), Jude Bellingham (Kobbie Mainoo 86.), Declan Rice. 

Sókn: Bukayo Saka (Jarrod Bowen 76.), Harry Kane, Phil Foden.

mbl.is

NÆSTI LEIKUR - 14. JÚLÍ

Spánn
19:00
England

ÚRSLIT SÍÐUSTU LEIKJA

Holland
10. JÚLÍ
1 : 2
England
Spánn
9. JÚLÍ
2 : 1
Frakkland
Útsláttarkeppnin

NÆSTI LEIKUR - 14. JÚLÍ

Spánn
19:00
England

ÚRSLIT SÍÐUSTU LEIKJA

Holland
10. JÚLÍ
1 : 2
England
Spánn
9. JÚLÍ
2 : 1
Frakkland
Útsláttarkeppnin