Hörður: Óbærilegt að fylgjast með þessu

Hörður Magnússon og Albert Ingason, sérfræðingar RÚV á Evrópumóti kvenna í knattspyrnu, eru hneykslaðir á notkun númersins níu á mótinu.

Í EM stofunni í gærkvöld var rætt um númerið níu á mótinu. Albert var ekki sáttur með að Ana Borges, varnarmaður Portúgals, og þýski miðjumaðurinn Sjoeke Nüsken noti númerið níu hjá sínum landsliðum.

„Nánast óbærilegt að fylgjast með þessu,“ sagði Hörður Magnússon. „Það er verið að slátra númerinu í beinni,“ bætti Albert við.

„Þetta á bara að vera verndað fyrir framherja,“ sagði Hörður en bæði hann og Albert voru framherjar á sínum tíma.

Hægt er að sjá alla umræðuna hér fyrir neðan. 

• Blogga um frétt