Liverpool hyggst leysa markaþurrð sína á yfirstandandi keppnistímabili með því að festa kaup á spænska framherjanum Alvaro Morata sem er á mála hjá Ítalíumeisturunum Juventus.
Liverpool hefur einungis skoraði 25 mörk í 22 leikjum í deildinni í vetur og markahæsti leikmaður liðsins í vetur, belgíski framherjinn Christian Benteke, hefur skorað sex mörk í öllum keppnum í vetur.
Næstur á listanum yfir markahæstu leikmenn hjá Liverpool er brasilíski sóknartengiliðurinn Philippe Coutinho með fimm mörk.
Morata hefur fallið neðar í goggunarröðinni hjá Juventus í vetur þar sem argentínski framherjinn Paulo Dybala hefur farið á kostum og raðað inn mörkum fyrir Ítalíumeistarana.