Svíar voru í sjöunda himni eftir öruggan sigur á gestgjöfum Króata, 35:31, í lokaleik A-riðils Evrópumótsins í handknattleik. Úrslitin urðu til þess að Ísland er úr leik.
„Það var gríðarlega mikilvægt í þessum sigri hvað við höfðum mikla trú á okkur. Við spiluðum mjög grimman varnarleik og við hlupum eins og skepnur að refsa þeim í hraðaupphlaupum. Það var lykillinn,“ sagði Niklas Ekberg, landsliðsmaður Svía.
„Það er frábært að vinna gestgjafa á stórmóti, en fyrir okkur var þetta bara hver annar leikur. Auðvitað er þetta samt frábær tilfinning, en mótherjinn skiptir samt ekki máli svo framarlega sem við vinnum leiki,“ sagði Ekberg.